ياخوفى من الاخوان ومن حرامية مبارك

يا خوفى من الاخوان ومن حرامية مبارك

بأقول للشيخ سيد صاحبى والله البلد دى حظها منيل بستين نيلة قبل الثورة وبعد الثورة
قام قاللى ازاى يا عم ماهى كل حاجة حلوة اهوه انت عايز اكتر من كده ايه ؟
قلت له ياعم الكل بيتامر عليها قبل الثورة وبعد الثورة
مثلا اسبانيا تاخد كفالة حسين سالم حوالى 250 مليون جنيه مصرى يعنى فلوسنا عماله تتبعتر بره واحنا مش لاقيين الهوا
مثال تانى الاخوان المسلمين عاملين تمثيلية جديدة
الدكتور عبد المنعم ابو الفتوح اللى هوه اساس وركن من اركان الاخوان انهارده اصبح من المغضوب عليهم اخوانيا طب ازاى ؟
ازاى هيرشح روحه فى الانتخابات من غير دعم الاخوان ؟
رد الشيخ سيد وقاللى تقصد ان الاخوان عايزين يحزموا البلد
قلت له يعنى ايه يحزموا البلد ؟
قاللى يعنى ابو الفتوح يصبح مش محسوب علي الاخوان ويلم اللى يقدر عليه من الاصوات بره الاخوان ويوم الانتخاب الاخوان يؤمروا اتباعهم وكوادرهم يصوتوا لصالح الدكتور عبد المنعم ابو الفتوح وبكده يفوز ويسيطروا على مقعد الرئيس ودى حيله واضحة ومفضوحة والناس مش فاهمه حاجة
مثال تالت تقدر تقوللى مبارك مبلط ليه فى شرم الشيخ ؟
ليه يا فالح ؟
لان محاكمته فى شرم الشيخ تستدعى نقل اولاده وشركائه للمحاكمه معه فى القضايا المشتركة فى نفس مكان محاكمته وهوشرم الشيخ ولما تحط المعلومة دى جنب الافراج عن سوزان تعرف انه هيتم خطفهم جميعا من شرم الشيخ وكلها ثوانى ويكونوا فى اسرائيل وخلاص بح لامحاكمه ولا اى حاجة ولا كشف اسرار اليهود خايفين منها

ربنا يسترها علينا من اللى اخوان واللى مش اخوان

من شابه اباه فما ظلم

مسئول سابق بالرئاسة:

جمال مبارك كان ينكر وجود النبى محمد

من شابه اباه فما ظلم

هذا هو حال مبارك واولاده فقد ازاعت قناة اون تى فى ان مبارك وجمال كانوا على علم وموافقين على ضرب طيارة مصر للطيران منذ 12 عام والتى كانت تحمل خيرة القوات المسلحة وان المناورات العسكرية التى كانت تقام سنويا بين الجيش المصرى والجيش الامريكى كانت بهدف معرفة الضباط المتفوقين بهدف تصفيتهم وقتلهم لاحقا وبذلك تتخلص امريكا واسرائيل من خيرة شباب هذا البلد وكان هذا يتم بعلم مبارك وابنه جمال وعصابتهم المجرمة واكمالا على ما مضى

فقد كشف اللواء شفيق محمود على البنا، المسئول عن القصر الرئاسى حتى عام 2000 عن العديد من الأسرار والكواليس من داخل القصر الجمهورى، أبرزها أن علاء مبارك نجل الرئيس السابق كان محافظا على أداء الصلوات بصفة دائمة، بينما كان جمال يقول لمن يطلب منه أن يصلى 'من يثبت لى أنه هناك محمد'.

وأضاف البنا فى حوار خاص مع برنامج '360 درجة' على قناة الحياة أنه عندما توفيت والدة مبارك لم يسر الرئيس السابق خلف جنازتها سوى 10 دقائق، ثم استقل السيارة الخاصة به وطلب من الحرس عند انتهاء العزاء إبلاغه حتى يذهب لقراءة الفاتحة لها.وأشار البنا إلى أن شقيقة مبارك وتدعى سامية لم تزره فى القصر سوى مرتين، الأولى فى عقد قران علاء والثانية عقب حادث أديس أبابا، وأوضح البنا أن عم الرئيس السابق ويدعى عبد الكريم ذهب لزيارته فى القصر الجمهورى فلم يخرج له الرئيس السابق وظل موجودا لمدة ساعتين ثم انصرف.وتابع البنا قائلا إن هناك سائقا كان يقود السيارة الخاصة بمبارك وقتا طويلا ذهب إلى الرئيس السابق فى إحدى المرات وهو جالس فى حديقة القصر وطلب منه الموافقة على منح ابنته شقة فى أى مكان بالقاهرة لتتزوج بها فطلب منه مبارك أن يذهب إلى السكرتير الخاص به لتلبية طلبه، وما أن وصل إليه حتى فوجئ بقرار فصله. وأكد 'البنا' أن زكريا عزمى أقاله أثناء وجوده للعلاج بالخارج وانتزع جميع الشهادات المرضية من ملفه الوظيفى، وأضاف أن الرئيس اتصل طالبا منه العودة للعمل. وأوضح البنا أن الفنان المنتصر بالله كان ملازما للرئيس السابق مبارك واستقل معه الطائرة الخاصة به حتى يقول له 'إفيهات' فى السفر،

هذا حال من كان يحكم مصر ثلاثون عاما من الخيانة والعماله

حاكموه يرحمكم الله حتى يظهر ما كان خفى من احداث

الكل متبرئ منه

فيه ناس بتعبد البقر
وناس بتعبد البشر
فيه ناس بتعبد الدولار
وناس بتعبد الحمار
والمشكلة انه ف طره
من كام نهار
محتاج غيار
طب مين يروح له بالغيار
و تلاته فانتا من الصغار
وكيس مخلل أو فشار
ندهت .... صوتي ملى العمار
ما حد رد من الكبار
ولا حتى واحد مستعار
كله انشغل جوه الحساب
مرعوب و خايف ع الدولاب
راح ينسأل ومفيش جواب
منين فلوسك يا مفيد
من دم مصر مع الحديد
وفين عيالك يا نظيف
راح يختفوا جوه الرغيف
ومنين فلوس المحترم
من بنك مصر اللي اتخرم

وندهت صوتي ملى العمار
ما حد طايق دا الغيار
والكل خايف يتعدى
من دا الحمار

فرعوننا ساهل من زمان
بس اللي نشف له الميدان
بالله يا ريسنا الجديد
لنحط ايدك في الحديد
لو كنت واحد اولعوبان

مبارك يبكى كالاطفال

من يصدق ان هذا الظالم الذى ارعبنا اربعون سنة ونهبنا مثلها اخذ يبكى كالاطفال امام المحقق

والسؤال هنا ياجماعة الخير ياترى هوه بيبكى على ايه ؟؟؟؟؟

على زنوبه فى حقنا

ولابيبكى على فلوسنا اللى هربها بره وماعادش طايلها

ولابيبكى عشان سوسو ابنه فى السجن

ولابيبكى علشان العصابة بتاعته انهارت

وبيقولك انه قعد يرفص على السريروماما سوزان تهدى فيه

ياعالم حاكموه علشان ترحموه

ويارب يلحق صدام حسين

على فكره انا بقالى عشرين سنة دعوتى كل يوم يارب يزلك يامحمد حسنى مبارك زى ماانت زاللنا كده

توفيق عفاشة وعبادة الاصنام

توفيق عفاشة وعبادة الاصنام

استمرارا لمسيرته التى بدأدت بتقبيل يد وحذاء الداعر صفوت الشريف والتى قبض ثمنها تعيينه فى مجلس الشعب المزور يقوم توفيق عفاشة بدور كبير فى ثورة الحرامية حماية لسيده حسنى مبارك الحرامى الكبير
وذلك بالعمل على الفتنة والتحريض من خلال افلام مفبركة ومستندات مفبركة يقدمها على قناته الفاشلة مدعما كلامه بدعوات امه التى يعلم الله كم هى كارهة لافعاله النجسة ونسى توفيق عفاشة ان سيده وسيد ابوه مرمى ذى الكلب فى المستشفى واسياده مثل الفئران فى سجن طره
يا توفيق اختشى عيب ماتخليش الفلوس الحرام تلعب بيك ولا خيبة قناتك تدفعك لاحضان الحرامية والافاقين اعداء الثورة اعداء المصريين الشرفاء
وعموما دم الشهداء فى رقبة الكلاب امثالك

محاكمة مبارك

محاكمة مبارك والعدالة الغائبة

من حق المواطن والرئيس السابق محمد حسنى مبارك ان يحاكم محاكمة عادلة وإن حكم عليه بالسجن أن يسجن بطريقة عادلة وإذا مرض فى السجن أن يعالج علاج عادل
طب ازاى ؟؟؟؟؟؟
أقولك يا عم الحاج
1- مولانا رئيس الجمهورية السابق لا يجوز ان يحاكم امام القاضى الطبيعى بل يحاكم امام محكمة عسكرية وذلك لانه ابن الجيش وقائد الجيش وفى النهاية طلع ابن الحرامية وامام النصابين لدرجة انه باع بلد بناسه وارضه وبهايمه الخ
وياما حاكم مظاليم امام القضاء العسكرى علشان كده لازم يتحاكم فى محكمة عسكرية
2-اذا ادين وده مؤكد مليون فى المية ساعتها يحبس بطريقة عادلة
طب ازاى؟؟؟
أقولك
سجن لومان طره مشهور ومعروف عالميا يبقى فضل كبير من الشعب المصرى لو حبس مبارك فيه زى اى مجرم حرامى يعنى زنازنة 5 *4 متر مع 40 حرامى من شاكلته والحمام كوز سالمون وجردل والفطور فول بسوسه والغدا لحم كلاب والعشاء بلغة قديمة ونسيت اقولك لازم وحتما من 50 الى 60 فار يسكنوا معاهم فى الزنزانة لزوم الونس وده مش كتير لانه كان بعامل المساجين المذنبين والابرياء اكتر من كده مش يقولك هنطور السجن وعملنا له تكيف صحراوى
كده مش عدالة
3- اذا مرض لازم يتعالج بطريقة عادلة بمعنى يتعالج زى الناس فى مستشفى السجن مش يقولك 6ملايين جنيه لتطوير مستشفى السجن ليه ياعم هوه على راسه ريشة دى راسه عليها ميت بطحة وملايين الناس غضبانه وساخطة علية لانه ظلمهم وشفط ماضيهم وحاضرهم ومستقبلهم ياعم الحاج ده كان ناقص يبيع لينا الهوا ويهرب تمنه على بلاد بره
يعنى ده مجرم
لازم يعامل بمثل ماعامل الناس ودى قمة العدالة
ويجعله عامر

لماذا يصر مبارك على التواجد شرم الشيخ

أوباما أغلق السماعة في وجه مبارك

نعرف جميعا ان اسرائيل تحمى رجالها الذين خانوا بلادهم لحساب اليهود واشد ما اخشاه ان يهرب مبارك من شرم الشيخ الى اسرائيل
كشفت تقارير صحفية اليوم أن الرئيس المصري المخلوع محمد حسني مبارك قد فشل خلال الأيام الجارية في الاتصال بالرئيس الأمريكي باراك أوباما، وأوضحت أن مبارك فوجئ بعد طلب رقم أوباما بإغلاق السماعة في وجهه.
وأضافت صحيفة «روزاليوسف» أن حسني مبارك طلب من زعماء دول أوروبية مساعدته علي استعادة حكم مصر، لكنهم أبدوا له عدم تمكنهم من مساعدته لأنه لم يعد رئيسًا للبلاد طبقًا للبروتوكول الدولي.
وفي السياق نفسه كشف راديو جيش إسرائيل فجر أمس أن مبارك اتصل برئيس الوزراء الإسرائيلي بنيامين نتانياهو عبر تليفون محمول متصل بالقمر الصناعي يعمل في إطار شبكة التليفونات المحمولة بالسعودية.
وقال الراديو: إن مبارك طلب من نتنياهو ومعه بنيامين إليعازر وتامير باردو رئيس «الموساد».. أن يساعدوه للخروج من مصر أثناء وضعه تحت الإقامة الجبرية.
وأبلغ نتنياهو حليفه مبارك بأن المجلس العسكري في مصر يرفض فتح حوار حول هذا الموضوع، فيما قدم إليعازر لمبارك الشكر بجمل حميمة عن الجهود التي بذلها لحماية أمن دولة إسرائيل

لوفيجارو تكشف كيف يخفى مبارك أمواله

كشفت صحيفة لوفيجارو الفرنسية

عن سبل إخفاء الرئيس السابق حسنى مبارك لأمواله

اوضحت الصحيفة ان ثروة الرئيس مبارك لا تتجاوز 10 مليارات دولار مودعة ببنوك بريطانية وسويسرية بأسماء كودية وأرقام بالاضافة الى الاصول العقارية فى لوس أنجلوس وبعض الدول الاوروبية والمسجلة بأسماء أهل الثقة والشركات الوهمية او مع شركاء آخرين يمثلون الواجهة الفعلية .
كما تضم مشاركته فى اصول عقارية فى مصر ومنها منتجعات بالبحر الاحمر . واكدت الصحيفة ان ثروة مبارك تكونت اثناء توليه قيادة القوات الجوية مقابل عمولاته من صفقات السلاح وبيع بعض الاراضى.

ليه الناس لسه قاعده فى التحرير

سألت واحد م اللى ساكنين فى الميدان

الثورة خلصت وانتو قاعدين من زمان

قام قاللى خايف امشى

يهرب اللى ساكنين فى اللومان

والحر يسعى ويخاف من كل حاكم جبان

وعجبى

رمز مصر

مبارك رمزمصر

يقولون لنا لا تهينو رمز مصر مبارك لما له من افضال علينا

لا تزلوا رمز مصر لاننا بذلك نهين كل شعب مصر

ارحموا عزيز قوم زل

مبارك رمز لنا جميعا فلايجوز ان ينتقل الى سجن طره مثل المجرمين

ونقول لهم هذا المبارك الذى تدعون انه رمز مصر قد ارتكب الجرائم التالية

1- اهان 85 مليون مصرى وازلهم

2- حرامى سرق قوت الغلابة واحلامهم وصحتهم

3- اهان 100 مليون عربى

4- اهان مليارات المسلمين

5- قسم السودان دولتين

4- ساعد الامريكان على احتلال وتخريب العراق

5- أفسد الشعب المصرى كله وهذه اعظم جرائمه

6-باع البلد لليهود والغاز والاسمنت والحديد وماخفى الله اعلم

7- قزم دور مصر وجعله محصور فى حماية اليهود بداية من مولد ابو حصيرة حتى حدود غزة

8-سكن فى شرم الشيخ حتى يكون قريب من اهله وقرايبه فى تل ابيب

9- قطع علاقتنا بدول نهر النيل الذين يملكون روحنا وهى الماء

10- اغتنى بطريقة فاحشة من اموالنا ونحن جوعى عراة

يقتل بعضنا نفسه حرقا من الفقر

11- زرع الغش والمحسوبية بيننا حتى صار معظمنا مثله

12- اكلنا بيديه الطعام المسرطن والسوس والدود

13- سرق مشروع مستشفى السرطان

14- سرق تبرعات بالمليارات من مكتبة الاسكندرية

15- سرق المليارات من بيع مصانعنا واراضينا

16-لم يردعه بكاء طفل من الجوع او شاب سرقت احلامه او امرأة سجنت بسبب 200 جنيه لم تستطع سدادهم لأقساط ملابس اولادها

18- دمر واعتقل الالاف لعشرات السنين لا لذنب اقترفوه انما لانهم طلبوا بحقوقهم

هذا هو مبارك الذى تطلبون له الرحمة والعذر

الا تستحون

سنتقابل كلنا امام الله وسوف يحاسبنا ويحاسبكم ويحاسبه

مصيركم ومصير مبارك مزبلة التاريخ وجهنم وبئس المصير له ولكل من دافع عن افاق حرامى لا يخاف من الله

عالجوهم كما عالجونا

عالجوهم كما عالجونا

مر مائة يوم على ثورتنا المباركة التى كنست فساد ثلاثون سنة والفضل يرجع لهؤلاء الشباب الراقدون فى المستشفيات معرضون للطرد دون علاج
هل يعقل ان يكون جزا ء ابطال مصر هو الاهمال
يا ناس عالجوهم كما عالجونا
وارحموهم كما رحمونا
من مبارك والوطنى ومن الفساد
الذى عذبنا ثلاثون عاما

مقام سيدنا احمد عز

مولانا احمد عز عليه السلام

كنت قاعد انى وصاحبى الشيخ سيد شحاته وهوه من الناس الطيبة فقلت له ياعم سيد

البلد دى لازم ترد الجميل لمولانا احمد عز وفضيلة الشيخ جمال مبارك لانهم اصحاب فضل على البلد دى وناسها وده مش على سبيل التهريج وانما على سبيل رد الجميل

قام قاللى يا اخى حرام عليك

قوم قلت له مش حرام دا لازم وحتما ولابد نعمل تمثال بطول 50متر لاحمد باشا عز صاحب الافضال علينا وجمال باشامبارك لانهم حرروا البلد دى من الظلم والفساد

قام الشيخ السيد قاللى ازاى يافالح ؟

قلت له اولا انا بقالى خمس سنين بادعى كل يوم الصبح لاحمد عز واقول يارب يقويه ويعينه

وكل ما يظلم ادعى له وكل ما يفجر ادعى له اكثر

ولما فجر بعبط فى انتخابات 2010 دعيت له كتير

رد الشيخ سيد وقاللى حرام عليك بتدعى لفاجر

قلت له ما هو انت مش فاهم

ماهو مبارك فاجر وصفوت داعر وزكريا فاجر وابن ظالمة بس الناس معاهم مش كانت فاهمة كانوا بيعرفوا يضحكوا على الناس علشان كده استحاله كان يتم تغيير

انما مع جمال مبارك واحمد عز كان فجرهم فاضح فلما يزداد فجرهم الناس لازم هتصحصحودا اللى حصل الناس فاقت على ايد احمد عز وجمال مبارك

يعنى همه اللى صحصحوا البلد دى

رد الشيخ سيد وقاللى انا كده فهمت وعاوز الناس تعمل تمثال لاحمد عز طوله 100 متربس بشرط

قلت له اشرط

قال التمثال يكون مصنوع من البالوظة والمهلبية ويكون مكانه ميدان التحرير واللى يزور التحرير ياكل من التمثال حته

قلت ماشى ياعم

مش هازعلك

ويجعله عامر يابلد

لقيت اصحابها

الفقى موديل 25 يناير

مصطفى الفقى موديل 25يناير بداية لا ننسى انه كل اللى اختشوا ماتوا الحاج الفاضل دكتور مصطفى الفقى رشحوه لامانة الجامعة العربية طيب دى حاجة حلوة خالص ووظيفة كلها ملبن باللوز وفكة وفتة ونتمنى له كل الخير بس السؤال اللى لازم ولابد من اجابته هوه مين مصطفى الفقى ؟ هل هوه دراع نظام مبارك الفاسد الفاجر ؟ هل هوه احد ترزية مبارك ؟ هل هوه اسفاد من وجوده فى النظام السابق لدرجة انهم نجحوه فى انتخابات 2005 مع انه كان ساقط بالتلاته ؟ اذاكان ماسبق حقيقى يبقى فيه اجابة واحده من اجابتين يا اما حكومتنا عندها عمى الوان او حكومتنا عايزه تحرقه لانه لابد ومسلوخ من جلده ومفكر ان مفيش حد عارف ماضيه الاسود مع ان الكل شايفه ويجعله عامر يابلد لقيت اصحابها

مبارك و زيول ابليس

مبارك واخوانه الأبالسة

وكأنه مقدر لنا ان نظل فى الفقر والهم الى ابد الابدين

ليه يامعلم ؟؟؟؟؟؟؟؟؟

الظاهر ان الحرامية والنهيبة مش كفاهم سرقة كل حاجة فى البلد وعلى رأى الشاعر واحد حرامى بيقول لصاحبه اجيب لك اخضر ولا ناشف ؟

قاله اخضر هات ناشف هات من دا على دا هات ........يعنى الحرامى عاوز كل حاجه

طب ايه علاقة ده بموضوعنا ؟

اقولك ياعم

الظاهر ان الحرامية مش سرقوا خير مصر بس دول سرقوا حتى الشياطين اللى عايشين فى مصر واتحدى حد يثبت لى ان فيه ابليس واحد ماشى مع حد غير بتوع الحزب الوطنى

لانه حسب علمى ان اللى فضحونا فى معركة الافريقى التونسى والزمالك من ابالسة الحزن الوثنى او الحزب الوطنى

طب والحل ؟؟؟؟؟؟؟؟

الحل هوه حرق القديم والولعة فى الدايب

ازاى ؟

طول ما ابليس الكبير لابد ومقعمز فى شرم الشيخ حال البلد دى مش هينصلح والحل يا يحاكموه يا يحرقوه يا يولعوا فيه بجاز علشان تلامذته من الابلسة الصغار يتلموا ولا لمصلحة مين الخراب المستعجل ده

ويجعله عامر

يابلد خاكمها ابليس من شرم الشيخ

حسن شحاته خايب الرجا

خايب الرجا حسن شحاته

لما واحد بيسقط فى الامتحان بيستخبى من الناس فى بيته مع انه مفيش حد غرمان له حاجه

ده استهلال لابد منه علشان المفضوح حسن شحاته بعد ما خرب بيتنا وصرف الملايين على شوية صيع ولاد 70 *60 وطلعنا بره البطولة الافريقية قوم يقولك لو طردونى هاطالب بالشرط الجزائى......... وحياة امك ؟

اسف وحياة مامتك ياعديم الانسانية ده احنا بناكل طوب وسعادتك وشوية انصاف الرجالة عمالين تلهطو فى خير البلد دى طب ادارى يا حزين باللى لهفته ولا البلد دى موعودة بالطماعين ولاد الكلب اللى لازقين فى اماكنهم

ويجعله عامر

يابلد مليانة افاقين وحرامية وانتهازيين

محمد البرادعى

حرية الهمج

أنا حر دا شىء طبيعى بعد 25 يناير

انا مستعد ان اموت من اجل ان تبدى رأيك حتى ولوكان مخالف لرأيى

لكن الشىءالمقزز فى بلد معظمها من الهمج والبلطجية وانصاف الادميين ان يعتدى الناس على د محمد البرادعى فى لجنة الاستفتاء انهارده

وبسؤالهم ليه كده ياعالم يا بقر واحد يقولك اصله امريكى

والتانى يقولك ما شفناهوش قبل كده

وحجج فارغة

يا عالم انهارده بتاع الكل واللى مش عارف لازم يعرف

محمد البرادعى مصرى 100 % مع انه دكتاتور اكتر من مبارك الا انه

كان عامل زى العقلة فى الزور لامريكا لما كانت عاوزه تلفق ادلة على ان العراق فيه اسلحة زمار شامل مش دمار شامل يعنى الراجل جدع وابن بلد زى او اكتر من اى واحد فينا وشوفنا الخير على وشه وبعدين انت حر تصوت له اوضده بس هوه مواطن مصرى ليه الحق زيى وزيك تمام مش نهينه ونبهدله وهوه قامة مصرية خالصة

وعلى فكره هوه لو اترشح للرئاسة مش هأديه صوتى

بس لازم نحترم بعض

ولازم نحترم المنحة اللى ربنا جابها لينا وهى 25 يناير

يا عالم فوقو

انا حر وانت حر = وطن حر

انا حر وانت بلطجى= وطن رايح فى ستين داهية

العادلى ونسوانه

نفسى فى طلب بسيط خالص
طبعا كلنا عارفين ان الاخ حبيب العادلى مواطن صالح خالص
وعلشان كده عاوزينه يتعامل فى السجن كويس
تقوللى ازاى
اقولك
لابد وحتما من كل بد يكون معاه فى الزنزانه 4 رجالة وطنيين شاربين من لبن امهم وياحلاوة لو كانوا من الامن المركزى وحالتهم الصحية والجنسية عال العال
تسأل سعادتك ليه؟
اقولك علشان يظبطوه ويبسطوه طول النهار والليل
لانه يا ولداه كان مبهدل بنات البلد والبلدان المجاورة
واقرأ سعادتك المعلومات دى
كشفت مصادر بوزارة الداخلية أن وزير الداخلية الأسبق حبيب العادلي تفرغ خلال السنوات العشر الأخيرة للزواج.. وقالت المصادر إن العادلي تزوج خلال هذه السنوات "10 " مرات منهن إحدي قريبات سوزان مبارك وآخرهن فتاة لبنانية عمرها " 29" عاماً
روسيتان تدلكان "معالي الوزير" كل صباح
كشفت المصادر أن العادلي كان يستعين بمدلكتين روسيتين كانتا تشتركان في تدليك جسد الوزير صباح كل يوم داخل جاكوزي بنادي الشرطة .
. قالت المصادر: "كان العادلي يتوجه الي نادي الشرطة
في ساعات مبكرة من صباح كل يوم ويدخل الي الجمانيزيوم لممارسة بعض الرياضة ثم يتوجه الي الجاكوزي حيث تقوم المدلكتان الروسيتان بتدليكه وبعدها يتناول عصير البرتقال ويتوجه الي الوزارة أو الي مكتبه بمبني أمن الدولة بمدينة نصر، بحسب صحيفة الوفد
كشفت المصادر ان "العادلي" ترك الوزارة في يد وجدي صالح مساعد الوزير لشئون الضباط لكي يديرها نيابة عنه.
وأكدت المصادر ان "العادلي" أبلغ اللواء أحمد رمزي مساعد الوزير للأمن المركزي في مساء يوم "28 يناير" الماضي بإطلاق الرصاص علي المتظاهرين وقالت المصادر: العادلي قال لرمزي "اضربوا العيال دي بالنار ودي أوامر الرئيس مبارك نفسه"، وعلق رمزي قائلاً "حاضر يا أفندم".
وأضافت المصادر ان كثيراً من الضباط رفضوا إطلاق النار علي المتظاهرين واتفقوا علي ترك مواقعهم مرددين عبارة "العادلي باعنا"

بطنى بيوجعنى

بطنى بيوجعنى

ياعالم بطنى بيوجعنى

تسألنى عندك برد ؟

اقولك لاه

اكلت خضار او فاكهة مسرطنة

بارضو لاه

طب ايه السبب ياعم ؟

اقولك

يعقل فى بلد زى مصر وزير الاعلام السابق صفوت الشريف يتضح انه قواد وبتاع نسوان وكان منصبه وزير الاعلام طب اعلام ايه ياعم ما كانوا يسموها وزارة الفرفشة والنعنشه

او وزارة النجاسة

تانى حاجه

رئيس وزراء مصر يعقل ان اسمه احمد نظيف طب ماشى نظيف نظيف بس يكون نظيف مش حرامى يعنى اسمه نظيف وهوه حرامى ورئيس وزراء

والتانى اسمه الفقى وهوه حلنجى واستاذ جامعة ومزور كبير

واللى ما يتسمى اسمه مبارك وهوه شايل البركة والخير من البلد دى

والنبى دى مش حاجه توجع البطن

ويجعله عامر ي

يا بلد اخيرا لقيت ليها اصحاب

افتكاسة

طبعا كلنا بلا استثنا استمتعنا مع مبارك ونظامه طول تلاتين سنة بالضرب على القفا وعلى ماخفى

وانا والله عاوز ارد لمبارك الهدية واشكره على جمايله اللى عملها فينا السنين اللى فاتت وعلشان كده باقترح عمل سجن جديد من الزجاج ووضع الرئيس المخلوع فيه

ويشرف مع سيادته كل افراد حكوماته السابقة

بالاضافة لكل الحرامية الصغار والكبار وكل من تسبب فى ضرر لهذا البلد ولافراده

تسألنى ايه الحكمة ؟

أقولك طبعا كل واحد فينا ليه ثأر عند كل واحد من الاكابر دول

صح ياعم ؟

طيب وليه نتشتت على سجون مصر علشان ناخد بطارنا منهم ما الاحسن يتجمعوا فى سجن واحد ويكون سجن فخم من الزجاج زى قسم الزواحف فى حديقة الحيوان ويكون فيه مولات راقية تعرض الحديث من البلغ والجزم والخوازيق علشان كل واحد فينا ياخد طاره بالطريقة اللى يحبها ولو حد مش عاجبه الحاجات دى يبقى يتف على المسئول وعلى سنينه السوده وبكده يبقى كل واحد اخد بطاره منهم وبس ده كله يكون بعد ما النائب العام يكون جاب فلوسنا اللى نهبوها الحرامية دول

وطبعا الفكره دى هتدر دخل كبير على البلد علشان كل حاجه هتكون بالتسعيرة يعنى رجم شيخ المنصر بالبلغ يكون 10جنيه والتف عليه يكون ب5جنيه

وبكده نسدد ديون مصر وينصلح حال البلد دى

ولا ايه رايك يامعلم ؟؟

ويجعله عامر

يا بلد اخيرا لقيت ليها اصحاب

الحاج حسنى مبارك

الحاج حسنى مبارك

فاكرين نكتة اسلام هتلر

المسيحى لما يحب يحج بيروح القدس بالبلدى بيقدس والمسلم لما بيحب يحج بيروح السعودية علشان يحج

سامع واحد بيقوللى ايه علاقة ده بالحاج حسنى مبارك

ما تستعجلش يلعم هأقولك

ملك السعودية دعا الاخ حسنى مبارك يروح السعودية يعمل عمرة ويقعد هناك شوية يأكلوه ما لذ وطاب من انواع الفتة بعد ما اكلنا احنا البلوظة اربعين سنة

بس العقل بيقول المسلم يروح يحج فى السعودية والمسيحى يروح يقدس فى القدس طب ياعالم واللى سرق ونهب وافسد وخان بلده لصالح اسرائيل يروح يحج فين ؟؟؟؟؟؟؟؟؟؟؟؟؟؟؟؟؟؟

حد يجاوب على السؤال ده

عاشان خاطر النبى

ويجعله عامر

يابلد اخيرا لقيت اصحابها

سرقة بالاكراه

ياللى نورك غطى كل الارض وولادك غلابة
صوت بينده جوه قلبى محتاج الاجابة
مين بيعبد فرعون وشايل له الربابة ؟؟؟؟
مين بيكتب سطر فى فصول الخيابة
مين بيصنع غول بينهش
تحسده ع الفجر انياب الديابة
احنا اصل الداء وخيبتنا قوية ...
...مش طيابة ؟.؟؟
حد فاكر اسم ريسنا الهمام ؟؟؟؟؟؟؟؟؟؟؟؟؟
اللى فاتح مصر لولاد الحرام
اللى ناهب قوت عيالى فى الزحام
اللى سارق حلمى مش عارف انام
اصل العمالة مش كلام
دى عيشة اكتر م الكلاب
هوه ينهب
واحنا بنسف التراب
والمحكمة مفيش حساب
طب يا عالم
مش حرام
30سنة ناهب بلدنا
مش كلام
فيه ناس بتحلم بالسحاب
يعنى المداين والمصانع والشباب
وناس بترسم للخراب
وانا حلمى جازمة
وفردة واحدة م الشراب
والمحكمة مفيش حساب

انت فين ياقاضى وترد المظالم ?
نفسى عدلك ينتشر
ويرد عنا كل ظالم