زارنى امبارح حماده البهوى وهوه معروف انه من خرفان الحزن الوطنى يعنى فلول بامتياز واول ما شافنى قاللى هوه ربنا مش هيتوب علينا من المهللاتية والمسقفاتية ؟
قلت له وضح كلامك
قاللى د محمد مرسى بتاعك حواليه يطلع مليون مهللاتى فى استاد القاهرة بمناسبة 100 يوم ماحصلش فيها حاجه
قلت له طب وماله ما حسنى مبارك بتاعك كان حواليه ملايين المهللاتية
قاللى مهللاتية مبارك سابوه عريان ملط ساعة ما وقع بس مهللاتية مرسى هيموتو علشان هوه يعيش
قلت وماله أهم شهدا
قاللى ليه المصريين كلهم مهللاتية واللى يتجوز امى اقول له يا عمى
قلت له والله يا اخى فيه مثل شعبى بيقول
إللى بنى مصر كان فى الاصل مهللاتى
وبعدين ما انت ياما هللت لمبارك هوه حلال عليك حرام ع الدكتور مرسى
سيب الناس ترزق يا عم
ويجعله عامر
ليست هناك تعليقات:
إرسال تعليق